नेपाल विद्युत प्राधिकरणले सिंहदरबार क्षेत्रसहित विभिन्न स्थानमा १ घण्टा विद्युत आपुर्ति बन्द हुने जानकारी गराएको छ ।
स्युचाटार सबस्टेशनमा १३२ केभी बसबारमा आकस्मिक समस्या आएकोले मर्मत कार्यका लागि सटडाउन गर्नुपर्ने भन्दै प्राधिकरणले बिहिबार अपरान्ह ३ः३० देखि ४ः३० सम्म विद्युत आपुर्ति अवरुद्द हुने जनाएको हो ।
स्युचाटार, पाटन, के–३ (सिंहदरबार) र टेकु सबस्टेशनहरूबाट विद्युत आपूर्ति हुने क्षेत्रहरूमा १ घण्टाका लागि बिजुली नआउने प्राधिकरणले जनाएको छ ।
