चालु आर्थिक वर्षको १० महिनामा घरजग्गा कारोबारबाट साढे ४३ अर्ब राजस्व संकलन भएको छ । भूमी व्यवस्थापन तथा अभिलेख विभागका अनुसार साउनदेखि बैशाख सम्ममा ४३ अर्ब ५४ करोड रुपैयाँ राजस्व उठेको हो ।
यो महिनामा मध्ये सबैभन्दा धेरै राजस्व बैशाखमा संकलन भएको छ । बैशाखमा ६ अर्ब २६ करोड रुपैयाँ राजस्व उठेको छ । बैशाख महिनामा १ लाख ६९ हजार ५३८ लिखत पारित भएका छन् ।
चैतमा ६ अर्ब १६ करोड राजस्व उठेको थियो ।
चालु आर्थिक वर्षको साउनमा ३ अर्ब २८ करोड, भदौमा ३ अर्ब १० करोड, असोजमा २ अर्ब ७५ करोड र कार्तिकमा २ अर्ब ७४ करोड रुपैयाँ राजस्व उठेको थियो ।
मंसिरमा ४ अर्ब ८४ करोड रुपैयाँ, पुषमा ५ अर्ब १७ करोड रुपैयाँ, माघमा ५ अर्ब रुपैयाँ र फागुनमा ४ अर्ब १४ करोड रुपैयाँ राजस्व संकलन भएको छ ।
