नेपाल र श्रीलंकाबीच क्रस–बोर्डर मोबाइल भुक्तानी सुरु भएको छ । श्रीलंकाको लंकापे र नेपालको नेपाल क्लियरिङ हाउसले क्रस–बोर्डर क्यूआर भुक्तानी सुरु गरेका हुन् ।
श्रीलंकाको कोलाम्बोमा आयोजित एक कार्यक्रममा क्रस–बोर्डर भुक्तानी सुरुवातको घोषणा गरिएको हो । उक्त व्यवस्थापछि श्रीलंका भ्रमण गर्ने नेपाली यात्रुले कनेक्ट आईपीएस वा अन्य मोबाइल बैंकिङ एपमार्फत श्रीलंकामा रहेका ४ लाखभन्दा बढी लंका क्यूआर मर्चेन्टमा स्क्यान गरी भुक्तानी गर्न सक्नेछन् ।
यो सेवा प्रारम्भिक चरणमा लक्ष्मी सनराइज बैंकले सुरू गरेको छ, जस अनुसार लक्ष्मी सनराइज बैंकद्वारा जारी गरिएका डलर कार्ड तथा उपकरण कनेक्ट आईपीएस एपसँग लिंक गरी श्रीलंकामा क्यूआर भुक्तानी गर्न सकिनेछ ।
