नेपाल उद्योग वाणिज्य महासंघको निर्वाचन अन्तर्गत अहिले मतगणना भइरहेको छ । एसोसियट उपाध्यक्षतर्फ जारी मतगणनामा प्रबलजंंग पाण्डेले अग्रता लिइरहेका छन् ।
निर्वाचन समितिका अनुसार हालसम्म १५ सय मत गणना भएको छ । जसमा पाण्डेले ८७१ मत पाएर अग्रता लिइरहेका छन् । प्रतिस्पर्धी ज्योत्सना श्रेष्ठले ६१६ मत पाएकी छिन् । श्रेष्ठभन्दा पाण्डे २५५ मतले अगाडि छन् ।
अब ३३४ मत गन्न बाँकी छ ।
यस्तै, एसोसियटको महिलातर्फ जुनामा माथेमा निर्वाचित भइसकेकी छिन् । उनले ९१० मत पाएकी छिन् । यस्तै, अविज्ञा मल्ल पनि जितको नजिक पुगेकी छिन् । मल्लले ८४१ मत पाइसकेकी छिन् । उनकी प्रतिस्पर्धी शोभा ज्ञवालीले ६२९ मतसहित पछ्याइरहेकी छन् । अर्की उम्मेदवार जमुना पौडेलले हालसम्म ५८५ मत पाएपनि उनको हार पक्का भइसकेको छ ।
