राष्ट्रिय स्वतन्त्र पार्टी (रास्वपा)को केन्द्रीय समिति बैठक बस्दैछ । बिहिबार अपराह्न ४ बजे पार्टी केन्द्रीय कार्यालय, बनस्थलीमा बैठक बस्न लागेको हो ।
बैठकमा संसदीय दलको नेता चयन सम्बन्धि छलफल हुने जनाइएको छ । आज केन्द्रीय समितिबाट बालेन शाहलाई संसदीय दलको नेता चयन गर्ने निर्णय हुने र संसदीय दलले सर्वसम्मत रुपमा बालेनलाई संसदीय दलको नेता चयन गर्ने बताइएको छ ।
आज सांसदहरूले शपथ लगत्तै लगत्तै रास्वपाले केन्द्रीय समिति बैठक बोलाएको हो । आज संसदीय दलको नेता चयन भएपछि शुक्रबार बालेन प्रधानमन्त्री बन्नेछन् ।
रास्वपा वरिष्ठ नेता बालेनलाई प्रधानमन्त्री घोषणा गरेर चुनावमा होमिएको थियो । प्रतिनिधिसभामा रास्वपाले १८२ सिट जितेको छ ।
