फागुन २१ गते हुने प्रतिनिधिसभा निर्वाचनको दिन आन्तरिक हवाई उडान सेवा बन्द हुने भएको छ । नेपाल पर्यटन बोर्डले ट्राभल एडभाइजरी जारी गर्दै सो दिन आन्तरिक उडान बन्द हुने जनाएको हो ।
निर्वाचनका दिन अन्तर्राष्ट्रिय उडान भने हुनेछन् ।
बोर्डले निर्वाचनको दिन विमानस्थलदेखि होटल र होटलदेखि विमानस्थलसम्म सटल बस सेवा प्रदान गर्न इच्छुक कम्पनीका लागि जिल्ला प्रशासन कार्यालयबाट सवारी पासको व्यवस्था गर्न बोर्डबाट सिफारिसपत्र दिने प्रबन्ध मिलाएको छ ।
