आज आइतबार सुनको भाउ नयाँ उचाईमा पुगेको छ । शुक्रबार प्रतितोला २ लाख ५६ हजार ६ सय रुपैयाँमा कारोबार भएको छापावाल सुनको भाउ आज तोलामा २ हजार २ सय रुपैयाँले बढेर प्रतितोला २ लाख ५८ हजार ८ सय रुपैयाँ पुगेको छ ।
आज प्रति १० ग्राम छापावाल सुनको भाउ २ लाख २१ हजार ८ सय ८० रुपैयाँ तोकिएको छ ।
आज नेपाली बजारमा कायम भएको सुनको भाउ हालसम्मकै उच्च हो । यसअघि असोज ३१ गते सुनको भाउ प्रतितोला २ लाख ५८ हजार रुपैयाँको किर्तीमानी उचाईमा पुगेको थियो ।
आज चाँदीको भाउ भने घटेको छ । आज चाँदी तोलामा ८० रुपैयाँले घटेर प्रतितोला ३ हजार ८ सय २५ रुपैयाँमा आइपुगेको छ । आज १० ग्राम चाँदीको भाउ ३ हजार २ सय ७९ रुपैयाँ ५० पैसा तोकिएको छ ।
