एनआईसी एशिया बैंकले लकर सेवामा छुट दिने भएको छ । बैंकका ग्राहकले आफ्ना बहुमूल्य सामान तथा महत्वपूर्ण कागजातहरु लकर सेवामा राख्दा विशेष छुट सुविधा पाउने बैंकले जनाएको छ ।
बैंकका अनुसार निश्चित अवधिका लागि मात्र सार्वजनिक गरिएको यस योजनाअनुसार ग्राहकले पहिलो वर्षको वार्षिक शुल्कमा १५ प्रतिशतको विशेष छुट सुविधा प्राप्त गर्नेछन् । ग्राहकले यस बैंकको लकर सुविधा लिई आफ्नो बहुमूल्य सामान तथा महत्वपूर्ण कागजातहरु ढुक्कका साथ सुरक्षित राख्न सक्ने बैंकले जनाएको छ ।
बैंकले मुलुकभरका १५० वटा बैंक शाखाहरुबाट यो सुविधा उपलब्ध रहेको पनि जनाएको छ ।
बैंकले उपलब्ध गराएको लकर सेवा बारेमा थप जानकारीको लागि नजिकैका शाखा कार्यालय वा ग्राहक सम्पर्क केन्द्रमा सम्पर्क गर्न पनि अनुरोध गरेको छ ।
