चालु आर्थिक वर्षको पुँजीगत बजेट आधा पनि खर्च हुन सेकन । गत वर्षको जेठ १५ मा भएको बजेट भाषणमार्फत चालु आर्थिक वर्ष २०८२/०८३ का लागि ४ खर्ब ७ अर्ब विकास बजेट विनियोजन गरिएकोमा अन्तिम भूक्तानी दिन (असार २५ गते)सम्म जम्मा १ खर्ब ८१ अर्ब मात्रै खर्च भएको हो ।
चालु आर्थिक वर्षमा खर्च भएको पुँजीगत बजेट कुल विनियोजनको जम्मा ४४.५१ प्रतिशत मात्रै हो ।
गत आर्थिक वर्षमा ३ खर्ब ५२ अर्ब विकास बजेट छुट्याइएकोमा ६३.२ प्रतिशत अर्थात् २ खर्ब २२ अर्ब खर्च भएको थियो ।
गत वर्षको भदौ २३ र २४ गते भएको जेन् जी आन्दोलनले तत्कालिन केपी शर्मा ओली नेतृत्वको सरकार ढलेपछि अन्तरिम सरकार बनेको थियो । सुशिला कार्की नेतृत्वको अन्तरिम सरकारलाई निर्वाचन गराउने जिम्मेवारी दिइएको हुनाले उक्त सरकारले विकास निर्माणका काममा तीव्रता दिन सकेन ।
त्यसपछि बनेको बालेन्द्र शाह नेतृत्वको सरकारले पनि नयाँ ठेक्का लगाउने अवधि नपाएका कारण चालु आर्थिक वर्षमा विकास बजेट खर्च हुन नसकेको पूर्व प्रशासकहरु बताउँछन् ।
