‘सम्पत्ति शुद्धीकरण (मनि लाउन्डरिङ) निवारण (तेस्रो संशोधन) विधेयक, २०८३ संसदबाट पारित भएको छ ।
बिहीबारको प्रतिनिधिसभा बैठकमा अर्थमन्त्री डा. स्वर्णिम वाग्लेले ‘सम्पत्ति शुद्धीकरण (मनि लाउन्डरिङ) निवारण (तेस्रो संशोधन) विधेयक, २०८३ लाई पारित गरियोस्’ भन्ने प्रस्ताव गरेका थिए । बैठकले उक्त प्रस्तावलाई बहुमतले पारित गरेको हो ।
त्यसअघि बैठकमा उक्त विधेयकमाथि प्राप्त संशोधनहरूमाथि छलफल भएका थियो । संशोधनहरूमाथिको छलफलका क्रममा अर्थ मन्त्री वाग्लेले सम्पत्ति शुद्धीकरण विभागलाई थप प्रभावकारी बनाउन सरकार गम्भीर रहेको बताउँदै आर्थिक अपराधविरुद्ध शक्तिशाली ‘आर्थिक अपराध अनुसन्धान प्राधिकरण’ बनाउने विषयमा समेत छलफल गर्ने तयारी भइरहेको जानकारी गराए ।
