दक्षिण-पश्चिम मनसुन भारत प्रवेश गरेको छ । भारतीय मौसम विभागले आज शनिबार मनसुन निकोबार द्वीप समूह, अण्डमान सागरका धेरै भाग, बंगालको खाडीको दक्षिण-पश्चिम तथा दक्षिण-पूर्वी क्षेत्र र दक्षिण-पूर्वी अरब सागरका केही भागमा प्रवेश गरेको घोषणा गरेको हो।
विभागका अनुसार आज मनसुनले सम्पूर्ण निकोबार द्वीप समूह, श्री विजयपुरम (पोर्ट ब्लेयर) सहित अण्डमान द्वीपका केही भाग र अण्डमान सागरका धेरै क्षेत्रमा पुगिसकेको छ। भारतमा सामान्य मिति (मे २२) भन्दा कम्तीमा ६ दिन अगाडि नै मनसुन भित्रिएको हो।
आगामी केही दिनमा मनसुन थप क्षेत्रमा फैलिने अनुकूल अवस्था रहेको विभागले जनाएको छ। विभागको पूर्वानुमानअनुसार केरलामा मनसुन मे २६, २०२६ (जेठ १२ गते) तिर आउने सम्भावना छ। यो सामान्य मिति (१ जुन) भन्दा करिब ५-६ दिन अगाडि हो।
भारतको दक्षिणी भागमा मनसुन छिटो प्रवेश गरेकाले नेपालमा पनि यस वर्ष मनसुन सामान्य समय (१३ जुन) भन्दा केही दिन अगाडि नै पूर्वी नेपालबाट प्रवेश गर्न सक्ने अनुमान छ। नेपालको जल तथा मौसम विज्ञान विभागले छिटै औपचारिक मिति घोषणा गर्ने छ।
यस वर्षको मनसुनमा औसतभन्दा कम वर्षा हुने छ ।
