नेपाल राष्ट्र बैंकले हिजो शुक्रबार आर्थिक वर्ष २०८२÷८३ को मौद्रिक नीतिको तेस्रो त्रैमासिक समीक्षा गरेको छ। समीक्षा मार्फत राष्ट्र बैंकले एउटा मात्र व्यवस्था पुनरावलोकन गर्ने जनाएको छ ।
समीक्षा मार्फत राष्ट्र बैंकले ब्याजदर करिडोरलाई थप प्रभावकारी बनाउन बैंक तथा वित्तीय संस्थालाई स्थायी निक्षेप सुविधा
उपलब्ध गराउने व्यवस्था पुनरावलोकन गरिने उल्लेख गरेको छ।
राष्ट्र बैंकले विदेशी विनिमय सञ्चिति र मुद्रास्फीति यस बैंकको लक्ष्यअनुरूप नै रहने प्रक्षेपणको आधारमा न्यून आर्थिक वृद्धिको स्थितिलाई दृष्टिगत गरी चालु आर्थिक वर्षको सुरुदेखि नै लिइएको लचिलो मौद्रिक नीतिको कार्यदिशालाई निरन्तरता दिइएको जनाएको छ ।
ब्याजदर करिडोर, बैंकदर, अनिवार्य नगद मौज्दात र वैधानिक तरलता अनुपातसम्बन्धी विद्यमान व्यवस्थाहरू राष्ट्र बैंकले यथावत कायम गरेको छ ।
