नेपाल यातायात व्यवसायी राष्ट्रिय महासंघको अध्यक्षमा पुष्पप्रसाद सिटौला (सरोज) निर्वाचित भएका छन् । उनले ९०३ मत प्राप्त गर्दै जित निकाल्दा उनका निकटतम प्रतिस्पर्धी हरिशरण केसीले ४६४ मत प्राप्त गरे ।
अध्यक्षमा निर्वाचित सिटौला यसअघि वरिष्ठ उपाध्यक्ष थिए ।
नयाँ कार्यसमितिको वरिष्ठ उपाध्यक्षमा सानुकाजी प्रजापति, एनकुमार साई र केदारप्रसाद पौडेल निर्वाचित भएका छन् ।
उपाध्यक्षमा चन्द्र ओझा, आत्माराम थापा, टेकराज पन्त, कमलराज मित्र, कान्छामान बल, जितबहादुर भारती र रामप्रसाद सुवेदी निर्वाचित भएका छन् ।
मालवाहक उपाध्यक्षमा यादवलाल श्रेष्ठ निर्वाचित भएका छन् ।
महासचिव पदमा डेकनाथ गौतम दोहोरिएका छन् । उनका निकटतम प्रतिस्पर्धी जनिन्द्र श्रेष्ठले ४८९ मत पाए ।
उपमहासचिवमा देवेन्द्र श्रेष्ठ, भानुभक्त बराल र प्रदीपसिंह खड्का निर्वाचित भएका छन् ।
सचिवमा उमेश केसी, चेतप्रसाद गौतम (अर्जुन) र टंकप्रसाद ज्ञवाली विजयी हुँदा कोषाध्यक्षमा राजेश आचार्य र सह–कोषाध्यक्षमा शोभाशंकर पौडेल निर्वाचित भएका छन् ।
