नेपाल इन्भेष्टमेन्ट मेगा बैंकको कार्यवाहक सीईओको महेश शर्मा ढकालले पाएका छन् । बैंकको वैशाख ३० गते बसेको संचालक समितिको बैठकले बैंकको वरिष्ठ नायब प्रमुख कार्यकारी अधिकृत रहेका महेश शर्मा ढकाललाई कार्यवाहक सीईओको जिम्मेवारी प्रदान गर्ने निर्णय गरेको हो ।
बैंकका सीइओ ज्योति प्रकाश पाण्डेलाई प्रहरीले स्मार्ट टेलिकम प्रा.लि. सम्बन्धी मुद्दाको अनुसन्धानको लागि हिजो पक्राउ गरेको थियो । पाण्डेको अनुपस्थितिमा पाण्डेले सम्पादन गर्ने बैंक संचालन सम्बन्धी सम्पूर्ण कार्य गर्नको ढकाललाई पूर्ण अख्तियारी प्रदान गरिएको बैंकले जनाएको छ।
