आज वैशाख २८ गते संसदमा आगामी आर्थिक वर्ष २०८३/८४ को नीति तथा कार्यक्रम पेश हुँदै छ । आज दिउँसो ४ बजे बस्ने संघीय संसदको दुवै सदनको संयुक्त बैठकमा राष्ट्रपति राम चन्द्र पौडेलले नीति तथा कार्यक्रम पेश गर्ने छन्।
आज देखि नै संघीय संसदको दुवै सदनको अधिवेशन सुरु हुने छ। जसमा प्रतिनिधिसभा बैठक र राष्ट्रिय सभा बैठक दिउँसो २ बजे बस्ने छ।
संसदको यहि अधिवेशनमा बजेट पेश हुने छ । त्यसै कारण यो अधिवेशनलाई बजेट अधिवेशन पनि भनिन्छ। आगामी जेठ १५ गते संसदमा अर्थमन्त्रीले आर्थिक वर्ष २०८३/८४ को बजेट पेश गर्ने छन्।
