सर्वोच्च अदालतले नेपाल उद्योग वाणिज्य महासंघका निवर्तमान अध्यक्ष शेखर गोल्छालाई थुनामा राख्ने गरि वैशाख ११ गते काठमाडौँ जिल्ला अदालतबाट भएको म्याद थपको निर्णय बदर गरिदिएको छ । आज सर्वोच्चका न्यायधीशद्वय महेश शर्मा पौडेल र श्रीकान्त पौडेलको संयुक्त इजालाशले वैशाख ११ गते भएको म्याद थपको निर्णय बदर गरिदिएको हो ।
त्यस्तै अदालतले उनीसँग कसुर अनुसार धरौटी वा जमानत माग गर्न र सो बुझाउन नसकेमात्र थुनामा राख्न आदेश दिएको छ। यस संगै अब गोल्छासँग अनुसन्धान अधिकारीले धरौटी माग गर्नु पर्ने छ, र सो धरौटी बुझाउन नसके मात्र गोल्छालाई थुनामा राख्न सकिने छ। अन्यथा सर्वोच्चले उनलाई रिहा गर्न भनेको छ।
गोल्छाकी श्रीमती सीमा गोल्छाले दायर गरेको बन्दीप्रत्यक्षीकरणको रिटमा सर्वोच्चले यस्तो आदेश दिएको हो। गोल्छालाई धितोपत्र समबन्धि कसुरमा अनुसन्धान गर्नको लागि भन्दै प्रहरीले वैशाख १० गते पक्राउ गरेको थियो।
