राष्ट्रिय स्वतन्त्र पार्टी (रास्वपा)का सभापति रबी लामिछानेले निजी क्षेत्रसँग छलफल गर्ने भएका छन् । सरकार गठन भएको एक महिना पछि निजी क्षेत्रसँग सत्तारुढ पार्टीका सभापतिले छलफल गर्न लागेका हुन् ।
उद्योगी व्यवसायीहरु पक्राउ पर्न थालेपछि त्रासमा रहेको निजी क्षेत्रको मनोबल उकास्न लामिछानेले आइतबार निजी क्षेत्रका प्रतिनिधिहरुसँग छलफल गर्न लागेका हुन् । आइतबार बिहान १० बजेबाट होटल रोयल टुलिपमा सुरु हुने छलफलमा मुलुकको आर्थिक अवस्था, बजेट लेखनको तयारी लगायतका विषयमा कुराकानी हुने बताइएको छ ।
छलफलमा नेपाल उद्योग वाणिज्य महासंघ, नेपाल उद्योग परिसंघ, नेपाल चेम्बर अफ कमर्स लगायतका निजी क्षेत्रका छाता संगठनबाट प्रतिनिधिहरुको सहभागीता रहनेछ । छलफलमा सरकारका तर्फबाट अर्थमन्त्री डा. स्वर्णिम वाग्ले पनि सहभागी हुन सक्ने बताइएपनि पक्का भने भइसकेको छैन ।
