सुनकोशी नदीमा निर्मित सिन्धुली र रामेछाप जोड्ने मोड्युलर पुल उद्घाटन गरिएको छ । ७०–मिटर लम्बाइ भएको मोड्युलर पुलको आज नेपालथोकमा उद्घाटन गरिएको हो।
नेपाल स्थित भारतीय दुतावासका काउन्सलर गीतांजलि ब्रैंडन र नेपालको भौतिक पूर्वाधार तथा यातायात मन्त्रालय, सडक विभागका महानिर्देशक डा. विजय जैसीले संयुक्त रुपमा पुल उद्घाटन गरेका हुन्। नेपालथोकस्थित सुनकोशी पुलको जडान गार्डेन रिच शिपबिल्डर्स एण्ड इन्जिनियर्स लिमिटेडका प्राविधिकहरुको टोलीले गरेको थियो ।
आज उद्घाटन गरिएको यो मोड्युलर पुल सन् २०२५ अक्टोबरमा आएको विनाशकारी वर्षापछि सडक सञ्जालको पुनःस्थापनामा सहयोग पुर्याउन भारत सरकारले नेपाल सरकारलाई उपलब्ध गराउन लागेका ७० मिटर र सोभन्दा बढी स्प्यान भएका १० वटा यस्तै पुलहरुमध्ये एक हो ।
