सरकारले सार्वजनिक पदमा रहेकाहरुको सम्पत्ति छानबिन गर्न आयोग गठन गरेको छ। आज बसेको मन्त्रिपरिषदको बैठकले जाँचबुझ आयोग गठन गरेको हो ।
सरकारले सर्वोच्च अदालतका पूर्व न्यायधीश राजेन्द्र कुमार भण्डारीको संयोजकत्वमा आयोग गठन गरेको हो। आयोगको सदस्यमा पूर्व न्यायधीशहरु पुरुषोत्तम पराजुली, चण्डीराज ढकाल, पूर्व प्रहरी नायव निरीक्षक गणेश केसी , सीए प्रकाश लम्साल रहेका छन् ।
आयोगले २०६२/६३ देखि २०८२/८३ सम्म बहाल रहेका प्रमुख राजनीतिक पदाधिकारी र उच्च पदस्थ कर्मचारीहरुको सम्पति संकलन, प्रमणिकरण र छानबिन गर्नेछ।
प्रधानमन्त्री वालेन्द्र शाहको नेतृत्वमा सरकार गठन भएलगत्तै गत वर्ष चैत १३ गते १५ दिनभित्र यस्तो समिति गठन गर्ने निर्णय भएको थियो। सरकारद्वारा सार्वजनिक गरिएको शासकीय सुधारसम्बन्धी १०० बुँदे कार्यसूचीको ४३औँ बुँदामा समेत यस विषयलाई प्राथमिकताका साथ उल्लेख गरिएको छ।
