प्रतिनिधिसभाको उपभामुख पदका रुवीकुमारी ठाकुर निर्वाचित भएकी छिन् । उपसभामुख पदको लागि भएको निर्वाचनमा ठाकुरले बहुमत सदस्यको भोट पाएसँगै उनी उपसभामुख निर्वाचित भएकी हुन् ।
बैठकमा २५६ सांसद उपस्थित रहेकोमा ठाकुरको पक्षमा २२९ मत, विपक्षमा ५ मत र तटस्थमा २२ मत प्राप्त भएको छ । ठाकुर श्रम संस्कृति पार्टीको तर्फबाट उम्मेदवार थिइन् । उनलाई राप्रपा र एमाले बाहेक बाँकि सबै दलको समर्थन थियो। राप्रपाले आफ्नै पार्टीको तर्फबाट उम्मेदवारी दिएको थियो भने एमाले निर्वाचनमा तटस्थ बसेको हो ।
राप्रपाले भने उपसभामुखमा सरस्वती लामालाई उम्मेदवार बनाएको थियो । लामाले पक्षमा ५ मत, र विपक्षमा २१५ मत पाईन् भने ३७ सांसद तटस्थ बसे । उनको लागि मतदान हुँदा संसदमा २५७ सांसद उपस्थित थिए। लामाले आफ्नो पार्टी राप्रपाको मात्र मत पाएकी हुन् भने एमाले बाहेकका अन्य दल उनको विपक्षमा उभिए । एमाले निर्वाचनमा तटस्थ बसेको हो ।
यी दुई उम्मेदवार मध्ये ठाकुरले बहुमत भोट पाएकोले उनी उपसभामुख निर्वाचित भएकी हुन् । ठाकुर श्रम संस्कृति पार्टीकी समानुपातिक सांसद हुन् । उनी २५ वर्षकी भइन्। यस संगै उनी अहिलेसम्म कै कम उमेरको उपसभामुख भएकी छिन् ।
