प्रधानमन्त्री वालेन्द्र शाह आफैले श्रम, रोजगार तथा सामाजिक सुरक्षा मन्त्रालयको कार्यभार लिएका छन् । श्रममन्त्री दीपककुमार साहलाई पदमुक्त गर्दै प्रधानमन्त्रीले सो मन्त्रालयको कार्यभार आफैसँग राखेका हुन् ।
राष्ट्रपति रामचन्द्र पौडेलले सोहि अनुसार श्रम, रोजगार तथा सामाजिक सुरक्षा मन्त्रालयको कार्यभार प्रधानमन्त्री वालेन्द्र शाहलाई नै तोकी मौजुदा मन्त्रिपरिषद्मा हेरफेर गरेका छन् । राष्ट्रपतिको कार्यालयका अनुसार प्रधानमन्त्री शाहको सिफारिसमा यही चैत १३ गते गठित मन्त्रिपरिषद्मा उक्त हेरफेर गरिएको हो ।
प्रधानमन्त्री शाहले राष्ट्रिय स्वतन्त्र पार्टीका सभापति रवि लामिछानेको सिफारिसमा श्रममन्त्री दीपककुमार साहलाई आज पदमुक्त गरेका थिए । योसँगै मन्त्रिपरिषद्मा अब १४ सदस्य कायम भएका छन् ।
