अब नेपाल टेलिकमको सिममा डाटा प्याक सकिएपछि डाटा नचल्ने र थप पैसा खर्च नहुने बनाउन मिल्ने भएको छ। सञ्चार तथा सूचना प्रविधि मन्त्री विक्रम तिमल्सिनाले आज बुधबारबाट यो व्यवस्था लागु भएको बताएका हुन् ।
उनका अनुसार *444# डायल गरेर देखिने ४ मध्ये चौथो अप्सन प्रयोग गरी PAYG disable गर्न सकिन्छ। यस संगै डाटा सकिएपछि स्वतः ब्यालेन्स काटिने व्यवस्था अन्त्य भएको छ ।
मन्त्रालयका अनुसार अब नेपाल टेलिकमको डाटा प्याकेज खपत हुनुअघि (९०% खपत भएपश्चात् ) ग्राहकलाई SMS notification मार्फत सूचित गराईनेछ। ग्राहकले चाहेको अवस्थामा Pay- As – You-Go (PAYG) प्रणाली *444# Dial गरी enable/disable गर्न सक्ने छन्।
