सरकारले नागरिक एपबाटै पासपोर्ट र लाइसेन्सको लागि आवेदन दिने मिल्ने प्रणालीको विकास गर्ने भएको छ । सञ्चार तथा सूचना प्रविधि मन्त्रालयले नतिजामा आधारित शासकीय व्यवस्थापन प्रणाली कार्यान्वयनलाई प्रभावकारी बनाउने उद्देश्यले तय गरेको १० वटा प्रमुख सुधारात्मक कार्यक्रममा यो विषय पनि समावेश रहेको छ।
जस अनुसार मन्त्रालयले नागरिक एपमार्फत प्रहरी प्रतिवेदन, राहदानी तथा सवारीचालक अनुमति पत्रलगायत विभिन्न सरकारी सेवालाई अन्तरआबद्ध गरी ४५ दिनभित्र एकीकृत आवेदन प्रणाली सञ्चालनमा ल्याइने जनाएको छ ।
नागरिक एपमार्फत प्रहरी प्रतिवेदन प्राप्त गर्ने प्रणाली यस अघि नै कार्यान्वयन भइसकेको छ ।
