अब सरकारी कार्यालय ९ बजे देखि नै खुल्ने भएको छ। आज बसेको मन्त्रिपरिषदको बैठकले चैत्र २३ गतेदेखि लागु हुने गरि सरकारी कार्यालय र सम्पूर्ण शैक्षिक संस्थामा शनिवार र आइतबार विदा दिने तथा अन्य कार्य दिनमा भने सबै सरकारी कार्यालयहरु ९ बजेदेखि ५ बजेसम्म संचालन गर्ने निर्णय गरेको हो ।
त्यस्तै सरकारले डिजेल तथा पेट्रोल गाडीलाई विद्युतीय गाडीमा परिणत गर्न आवश्यक कानूनी व्यवस्था मिलाउने निर्णय गरेको छ । पेट्रोलियम पदार्थको आपूर्ति असहज हुँदै गएपछि सरकारले खपत घटाउन यी निर्णय गरेको हो।
