अमेरिकाले आक्रमणको चेतावनी दिएपछि इरानले तेल ढुवानीको मुख्य मार्ग ‘स्ट्रेट अफ होर्मुज’ पूर्णरुपमा बन्द गर्ने चेतावनी दिएको छ । इरानको इस्लामिक रिभोलुसनरी गार्ड कोर्प्सले अमेरिकाले इरानको ऊर्जा स्थलहरुमा आक्रमण गरे होर्मुज नाका पूर्ण रूपमा बन्द हुने चेतावनी दिएको हो ।
अमेरिकी राष्ट्रपति डोनाल्ड ट्रम्पले इरानले होर्मुज नाका नखोले सबै पावर प्लान्टहरू ध्वस्त पार्ने भन्दै ४८ घण्टाको अल्टिमेटम दिएका थिए ।
इरानी विदेशमन्त्री अब्बास अराघचीले स्ट्रेट अफ होर्मुज अहिलेसम्म बन्द नभएको तर, अमेरिका र इजरायलको कारण जहाजहरू यस बाटोबाट जान डराउने गरेको बताएका छन् ।
स्ट्रेट अफ होर्मुज फारसी खाडीलाई ओमानको खाडी र अरब सागरसँग जोड्ने एक मात्र समुद्री मार्ग हो । विश्वको २० प्रतिशत तेल र आपूर्ति यहीबाट हुने गर्दछ ।
