इजरायलसँग युद्ध लडिरहेको इरानले एक नेपाली युवकलाई नियन्त्रणमा लिएको खुलेको छ । खाडी क्षेत्रको रणनीतिक जलमार्ग होर्मुजबाट इरानी सुरक्षा फैजले एक नेपाली युवकलाई नियन्त्रणमा लिएको खुलेको हो ।
व्यापारिक जहाजलाई नियन्त्रणमा लिने क्रममा त्यसमा कार्यरत धनुषाका अमृत झालाई पनि इरानी सुरक्षा फैजले पक्राउ गरेको हो । उक्त जहाजमा कार्यरत सबै क्रू मेम्बरलाई इरानी पक्षले नियन्त्रणमा लिने क्रममा झा पनि परेको परराष्ट्र मन्त्रालयका पश्चिम एसिया महाशाखा प्रमुख रामकाजी खड्काले जानकारी दिए ।
अमृत झा उक्त जहाजमा प्राविधिक कर्मचारीका रूपमा कार्यरत थिए ।
परराष्ट्र मन्त्रालयले तेहरानस्थित नेपाली दूतावासमार्फत उनको अवस्था बुझ्ने काम भइरहेको र रिहाइको पहल जारी रहेको जनाएको छ ।
