नेकपा एमाले निकट उद्योगी तथा व्यवसायीहरुको संगठन नेपाल उद्योग तथा व्यवसायी महासंघको कार्यालय स्थानान्तरण भएको छ । महासंघको कार्यालय सुन्धारास्थिति सीटीसी मलमा सरेको हो ।
यसअघि रामशाहपथमा रहेको कार्यालय सीटीसी मलमा सरेको हो । आइतबार महासंघका अध्यक्ष भागिरथ सापकोटाको अध्यक्षतामा आयोजित समारोहका अवसरमा स्थानान्तरित नयाँ कार्यालयको उद्घाटन गरिएको छ । नेकपा एमालेका स्थायी कमिटी सदस्य एवम् जनसंगठन समन्वय प्रमुख भानुभक्त ढकालले महासंघको कार्यालय उद्घाटन गरेका हुन् ।
सो अवसरमा महासंघकी इन्चार्ज रचना खड्का, महासंघका पदाधिकारीहरुसहित उद्योगी व्यवसायीहरुको सहभागीता रहेको थियो ।
