दक्षिण कोरियालाई १–० ले पराजित गर्दै सहआयोजक मेक्सिको फिफा विश्वकप २०२६ को नकआउट चरणमा प्रवेश गरेको छ ।
घरेलु मैदान ग्वाडालाजारा स्टेडियममा शुक्रबार बिहान भएको खेलमा लुइस रोमोको निर्णायक गोलमा मेक्सिको राउण्ड अफ ३२ मा पुग्ने पहिलो टिम बनेको हो । रोमोले ५०औं मिनेटमा गरेको गोल नै मेक्सिकोको जितका लागि निर्णयक भयो ।
खेल भर बल पोजिसनमा मेक्सिकोभन्दा बढी भएपनि दक्षिण कोरियाले गोल गर्न सकेन ।
समूह ‘ए’ बाट ६ अंक जोड्दै मेक्सिको नकआउट चरणमा पुग्दा ३ अंक जोडेको दक्षिण कोरियाको पनि सम्भावना कायमै छ । पहिलो खेलमा मेक्सिकोले दक्षिण अफ्रिकालाई पराजित गरेको थियो ।
सन् २०१८ को विश्वकपमा अन्तिम–१६ सम्म पुगेको मेक्सिको सन् २०२२ मा समूह चरणबाटै बाहिरिएको थियो ।
नकआउट चरणमा ३२ टोली पुग्नेछन् । प्रत्येक समूहबाट शीर्ष दुई टोली र तेस्रो हुने मध्येबाट ८ टोली राउन्ड अफ ३२ मा प्रवेश गर्नेछन् ।
