अर्जेन्टिनाले कोपा अमेरिका फुटबल २०२४ को उपाधि जितेको छ । लगातार दोस्रो पटक उपाधि जित्ने क्रममा अर्जेन्टिनाले कोलम्बियालाई अतिरिक्त समयमा १–० ले हराएको हो ।
अर्जेन्टिनाका लागि लौतारो मार्टीनेजले ११२औं मिनेटमा गरेको गोल निर्णायक बन्यो । ९७औं मिनेटमा मैदान प्रवेश गरेका उनले जियोभानी लो सेल्सोको थ्रुपासमा गोल गर्दै अर्जेन्टिनालाई उपाधि दिलाएका हुन् ।
६६औं मिनेटमा कप्तान तथा स्टार खेलाडी लियोनेल मेस्सी चोटका कारण मैदान बाहिरिनु परेको थियो ।
१९९४ पश्चात कुनै उपाधि जित्न नसकेको अर्जेन्टिनाले ३ वर्षको अवधिमा लगातार तीन उपाधि जितेको हो । २०२१ मा कोपा अमेरिका जितेपछि अर्जेन्टिनाले २०२२ मा विश्वकप उपाधि समेत जितेको थियो ।
यसैबीच, आजको खेलमा गोल गर्ने लौतारो मार्टीनेज प्रतियोगिता अवधिभर ५ गोल गर्दै उत्कृष्ट गोलकर्ता समेत बनेका छन् ।
