Ampere Nepal ले दशैँ, तिहार तथा छठ पर्वलाई लक्षित गर्दै विशेष चाडपर्व योजना सार्वजनिक गरेको छ । योजनाअन्तर्गत ग्राहकहरूले विभिन्न आकर्षक सुविधा पाउनुका साथै लक्की ड्रमार्फत १ लाख जित्ने मौका समेत प्राप्त गर्नेछन् ।
“नयाँ सवारी, नयाँ उमङ्ग – यसपालिको महाचाड Ampere सँग” भन्ने सन्देशसहित ल्याइएको यस योजनाअन्तर्गत Ampere Nexus तथा Magnus खरिद गर्ने ग्राहकहरूले २० हजार नगद छुट वा पुरानो दुईपाङ्ग्रे सवारी एक्सचेन्ज गर्दा थप २० हजार मूल्याङ्कन मध्ये एक सुविधा रोज्न सक्नेछन् ।
यसका साथै ग्राहकहरूले १ वर्ष निःशुल्क सर्भिसिङ, ७ वर्षसम्म स्पेयर पार्ट्समा ७ प्रतिशत छुट तथा आकर्षक गिफ्ट ह्याम्पर पनि प्राप्त गर्नेछन् ।
चाडपर्व योजनाको मुख्य आकर्षणका रूपमा अफर अवधिभित्र Ampere स्कुटर खरिद गर्ने ग्राहकहरूले लक्की ड्रमार्फत १ लाख जित्ने अवसर पाउनेछन् । Ampere REO VYB मोडलमा भने ग्राहकहरूले १० हजार नगद छुट वा १० हजार थप एक्सचेन्ज मूल्याङ्कन मध्ये एक सुविधा प्राप्त गर्न सक्नेछन् ।
Ampere Nepal का अनुसार यो योजना चाडपर्वको अवसरमा ग्राहकलाई विद्युतीय सवारीतर्फ आकर्षित गर्ने तथा इलेक्ट्रिक मोबिलिटीलाई अझ सहज र पहुँचयोग्य बनाउने उद्देश्यले ल्याइएको हो । Ampere का इलेक्ट्रिक स्कुटरहरू देशभर विस्तार हुँदै गएको कम्पनीको शोरुम तथा डिलर नेटवर्कमार्फत उपलब्ध छन्, जहाँ ग्राहकहरूले स्कुटर अवलोकन, टेस्ट राइड तथा एक्सचेन्ज मूल्याङ्कनसम्बन्धी जानकारी लिन सक्नेछन् ।
यो चाडपर्व योजना छठ पूजासम्म मान्य रहनेछ । ग्राहकहरूले नजिकैको Ampere शोरुममा पुगेर अफर, सवारी उपलब्धता तथा लागू हुने नियम तथा सर्तबारे विस्तृत जानकारी लिन सक्नेछन् ।
इलेक्ट्रिक दुईपाङ्ग्रे सवारी Ampere लाई नेपालमा STC Auto Solution Pvt. Ltd. ले प्रतिनिधित्व गर्दै आएको छ र कम्पनीले देशभर आफ्नो शोरुम तथा डिलर नेटवर्क विस्तार गरिरहेको छ ।
