प्रतिनिधिसभा निर्वाचन अन्तर्गत झापा ५ बाट राष्ट्रिय स्वतन्त्र पार्टीका वरिष्ठ नेता बालेन्द्र शाहले शानदार विजयी हाँसिल गरेका छन् । मतगणनाको अन्तिम नतिजा अनुसार बालेनले ६८ हजार ३ सय ४८ भोट ल्याएका छन् ।
उनका निकटतम प्रतिस्पर्धी एमालेका अध्यक्ष केपी शर्मा ओलीले १८ हजार ७ सय ३४ भोट मात्र पाएक छन् । बालेनले ४९ हजार ६ सय १४ को मतान्तरले ओलीलाई हराएका हुन्। यस क्षेत्रमा ३० हजार मत गणना गर्नु अघि नै बालेनको जित सुनिश्चित भएको थियो।
बालेन र ओली दूबै जना आ-आफ्नो पार्टीबाट प्रधानमन्त्रीका उम्मेदवार थिए। राष्ट्रिय स्वतन्त्र पार्टी बहुमत ल्याउनेतर्फ अघि बढिरहेको छ। यससँगै बालेन आगामी प्रधानमन्त्री हुने निश्चित भएको छ भने केपी ओली कम्तिमा आगामी ५ वर्ष संसद बाहिर नै रहने छन् । ओलीले यस क्षेत्रमा २०६४ पछि पहिलो पटक हार बेहोरेका हुन्।
