काठमाडौँका उपभोक्ताले अब आफूसँग भएको खाली सिलिण्डर जुनसुकै ब्राण्डसँग साट्न पाउने भएका छन् । उद्योग, वाणिज्य तथा आपूर्तिमन्त्री गौरीकुमारी यादवले सम्बन्धित सरोकारवालासँग छलफल गरेपछि अस्थायी रुपमा ग्यासको आपुर्ति सहज बनाउन यो व्यवस्था लागू गरिएको हो ।
यस अनुसार अब अब काठमाडौँ उपत्यकाभित्रका उपभोक्ताले एउटा कम्पनीको खाली सिलिण्डर दिएर अर्कै कम्पनीको भरिएको सिलिण्डर ग्यास लैजान पाउने छन् । यसका लागि कुनै अतिरिक्त शुल्क लाग्ने छैन ।
यो व्यवस्था कडाइका साथ लागू गर्न उद्योगमन्त्री यादवले नेपाल आयल निगम र ग्यास उद्योगहरुलाई निर्देशन दिएकी छन् ।
