भिभोले चाँडै नै आफ्नो भी सिरिज अन्तर्गतको नयाँ स्मार्टफोन भिभो भी६० लाईट नेपाली बजारमा सार्वजनिक गर्ने तयारी गरिरहेको छ । विशेषगरी यात्रीहरूको यात्रीहरूलाई लक्षित गरिएको यो फोनमा पोर्ट्रेट फोटोग्राफी, आकर्षक डिजाइन र शक्तिशाली प्रदर्शनलाई मुख्य फोकस मा राख्ने भनिएको छ ।
भिभोको आफ्नो चर्चित औरा लाईट प्रविधि पनि अब नयाँ एआई औरा लाईट पोर्टेट ३.० मा अपग्रेड हुने अनुमान छ, जसले १००% बढी प्रकाश र अझ ठूलो नर्म इल्युमिनेसन दिने बताइएको छ । यससँगै ५० एम पी सोनी आई एम एक्स ८८२ क्यामराले कम- प्रकाशमा समेत बढी प्रकाश समात्ने, न्वाइज घटाउने र कम – प्रकाशमा समेत विवरण सुरक्षित राख्नेछ, जसले पोर्ट्रेटहरूलाई प्राकृतिक र गहिरो आयाम दिनेछ ।
एआई क्षमतामा पनि उल्लेखनीय सुधार आएको चर्चा छ । भिभो भी६० लाईटको एआई ईमेज स्टुडियोले स्मार्ट टच- अप, अवाञ्छित वस्तु हटाउने सुविधा र विशेषगरी भिभो भी६० सिरिजमा मात्र उपलब्ध हुने भनिएको एआई फोर सीजन पोर्ट्रेट फिचरमार्फत एउटै फोटोमा विभिन्न ऋतुका पृष्ठभूमि सिर्जना गर्नेछ, जसले यात्रा स्मृतिलाई अझ आकर्षक बनाउनेछ ।
डिजाइनमा पनि मिनीमल र प्रीमियम डिजाईन शैली अपनाइएको छ । करिब ७५९ एम एम मात्र मोटाइ भएको यस डिभाइसलाई सजिलै खल्ती वा ट्राभल व्यागमा राख्न सकिनेछ । प्रदर्शनतर्फ, यसमा मीडियाटेक डीमेन्सिटी ७३६० वा स्नापड्रागन ६८५ प्रोसेसर रहने अनुमान छ, जसले गेमिङदेखि दैनिकी प्रयोगसम्म स्मूथ अनुभव दिनेछ । यससँगै ठूलो र इमर्सिभ डिस्प्लेले स्ट्रिमिङ वा गेमिङ गर्ने युवा प्रयोगकर्तालाई लक्षित गर्ने बताइएको छ । साथै, यसको विशाल ६५०० एमएएच ब्लु वल्ट ब्याट्री र ९० वाट फ्ल्यास चार्जले लामो यात्रादेखि निरन्तर प्रयोगमा पनि चार्जको चिन्ता कम गर्ने अपेक्षा गरएिको छ ।
भिभो भी६० लाईटले आफ्नो नेक्स्ट जेन पोर्ट्रेट प्रविधि आकर्षक डिजाइन र शक्तिशाली प्रदर्शनसहित भी सिरीजलाई नयाँ स्तरमा पुऱ्याउने अपेक्षा गरिएको छ। कम्पनीको अनुसार, यो डिभाइस साहसिक यात्रु र नयाँ अनुभव खोज्ने प्रयोगकर्ताका यो भरपर्दो साथी बन्नेछ ।
