उद्योग, वाणिज्य तथा आपूर्तिमन्त्री दामोदर भण्डारीले नेपालमा बाह्य र आन्तरिक दुवै लगानी आवश्यक रहेको बताएका छन् ।
प्रतिनिधिसभाको बैठकमा लगानी सहजीकरण सम्बन्धी केही नेपाल ऐनलाई संशोधन गर्ने विधेयक, २०८१ माथि विचार गरियोस् भन्ने प्रस्तावमाथिको छलफलमा सांसदहरुले उठाएका प्रश्नको जवाफ दिँदै मन्त्री भण्डारीले नेपालमा आन्तरिक र बाह्य दुवै लगानी चाहिएको बताएका हुन् ।
उनले लगानीलाई भित्र्याउन र त्यसको संरषण गर्न सरकारको तर्फबाट गर्नुपर्ने कामको पहिलो शर्त भनेकै कानूनहरुमा सुधार, नीतिहरुमा सुधार र नीतिमा प्रष्टता भएको उनको बताएका छन् ।
उनले एउटा मन्त्रालयले एउटा काम गर्न खोज्दा अर्को मन्त्रालयबाट ऐन बाझिने खालका जटिलताहरु रहेको भन्दै त्यस्ता जटिलता फुकाउन खोजिएको बताएका छन् ।
