स्वदेशी एडेसिभ (टाँस्ने पदार्थ) ब्राण्ड ‘राठीकोल’ले महानायक राजेश हमाललाई ब्राण्ड एम्बासडरमा नियुक्त गरेको छ । आज आयोजित एक कार्यक्रममा हमाल र राठीकोलका अध्यक्ष अरुणकुमार राठीबीच सम्झौता भएको हो ।
महानायक हमालले अब एक वर्षसम्म राठीकोलको प्रचार प्रसारमा सहयोग गर्ने छन् । राठीकोल उत्पादन सुरु भएको ३५ वर्ष भएको छ ।
राठीकोलका अध्यक्ष राठीले हमाललाई ब्राण्ड एम्बासडरमा नियुक्त गर्न पाउँदा खुशी लागेको बताए ।
राठीकोल राठी ग्रुपको प्रमुख उत्पादन हो । कम्पनीको यो उत्पादन मुख्य गरि काठका फर्निचर बनाउन प्रयोग हुन्छ ।
राठीकोलले ‘टाँस्छ मज्जाले टाँस्छ’ स्लोगनसहित आफ्ना उत्पादन बजारमा पठाउँदै आएको छ ।
