नेपाल स्टक एक्सचेन्ज नेप्सेमा सूचीकृत २० कम्पनी नेपाल धितोपत्र बोर्डबाट हकप्रद निष्काशनको अनुमतिको पर्खाइमा छ।२० कम्पनीले गरि कुल १३ अर्ब बढीको शेयर निष्काशन गर्ने छन् ।
हकप्रद शेयर निष्काशन अनुमति कुर्ने २० कम्पनी मध्ये अधिकांश हाइड्रोपावर कम्पनी छन् । ११ हाइड्रो कम्पनी यो सूचीमा रहँदा ८ वटा बीमा कम्पनी छन् । बाँकि एउटा भने इन्भेष्टमेन्ट समूहको कम्पनी हो ।
कम्पनीहरुले हकप्रद निष्काशनको लागि अनुमति माग गरेपछि धितोपत्र बोर्डले ति आवेदनको मुल्यांकन गर्छ । मङ्सिर २६ गतेसम्मको विवरण अनुसार २० कम्पनी मध्ये हाल ८ वटा कम्पनी धितोपत्र बोर्डको प्रारम्भिक मुल्यांकनको क्रममा छन् । यो पहिलो चरणको मुल्यांकन हो ।
पहिलो चरणको मुल्यांकनपछि धितोपत्र बोर्डले ति कम्पनीलाई सुधार गर्नु पर्ने विषयबारे कमेन्ट पठाउछ। बोर्डले पहिलो चरणको मुल्यांकन सकेर कमेन्ट पठाएका कम्पनी ५ वटा रहेका छन् । यो दोस्रो चरण हो ।
अन्तिम चरण भनेको बोर्डले पठाएको कमेन्टको कम्पनीले जवाफ दिने र बोर्डले त्यसको जवाफ दिने हुन्छ । यो प्रक्रियामा हाल ७ कम्पनी छन् । ति ७ कम्पनी मध्ये पनि ३ कम्पनीले भने धितोपत्र बोर्डले भनेका सबै विषय सुधार गरेर संशोधित विवरण पत्र पनि धितोपत्र बोर्डमा पठाईसकेका छन् । यो सूचीमा छ्याङदी हाइड्रो, बरुण हाइड्रो र जोशी हाइड्रो रहेका छन् । छ्याङदीले संशोधित विवरण पत्र मङ्सिर १४ मा, र बरुण र जोशीले संशोधित विवरणपत्र मङ्सिर २५ मा मा पठाएका हुन् । यस हिसाबमा सबै भन्दा पहिले छ्याङदी हाइड्रो, बरुण हाइड्रो र जोशी हाइड्रोलाई धितोपत्र बोर्डले हकप्रद निष्काशनको अनुमति दिने सम्भावना देखिन्छ । धितोपत्र बोर्डले भनेका सबै विषय सुधार गरेर कम्पनीले पठाएको भए मात्र यी ३ कम्पनीले सुरुमा हकप्रद निष्काशनको अनुमति पाउने देखिन्छ।
हेर्नुस् कम्पनीले निष्काशन गर्न लागेका हकप्रदको विवरण र ति कम्पनी आवेदन मुल्यांकन चरणको अवस्था ।
