नेपाल एसबिआर्ई बैंकले चालु आर्थिक वर्ष २०८२/८३ को तेस्रो त्रैमासको अपरिस्कृत वित्तीय विवरण प्रकाशन गरेको छ । प्रकाशित विवरण अनुसार यस अवधिमा बैंकको खुद नाफा २१.४९ प्रतिशतले बढेको छ ।
यस अवधिमा बैंकले रु. १.४६ अर्ब खुद नाफा आर्जन गरेकोे छ । अघिल्लो आर्थिक वर्षको यसै अवधिमा बैंकको खुद नाफा रु. १.२० अर्ब थियो । बैंकको वितरणयोग्य नाफा १ अर्ब २ करोड रहेको छ।
त्यसैगरि, बैंकले आफ्नो खुद ब्याज आम्दानी, २०८१ चैत्र अन्त्यको तुलनामा ९.४६% ले वृद्धि गर्दै रु.३५३.५० करोडबाट २०८२ चैत्रको अन्त्यमा रु. ३८६.९४ करोड पुर्याएको छ । त्यसैगरि, बैंकले आफ्नो गैर–ब्याज आम्दानी, २०८१ चैत्र अन्त्यको तुलनामा २७.४२% ले उल्लेख्य वृद्धि गर्दै रु.१२०.७२ करोडबाट २०८२ चैत्रको अन्त्यमा रु. १५३.८३ करोड पुर्याएको छ । बैंकले आफ्नो पूँजी पर्याप्तता थप मजबुत बनाउदै बैंकको पूँजी पर्याप्तता अनुपात , २०८१ चैत्रको अन्त्यमा १२.४४% बाट वृद्धि गरि २०८२ चैत्रको अन्त्यमा १३.७६% पुर्याएको छ, जुन १३२ आधार बिन्दुको वृद्धि हो ।
बैंकले सोही अवधिमा आफ्नो कोष लागत ५.३५% बाट घटाएर ४.११% मा ल्याउन सफल भएको छ, जुन गत वर्षको सोही अवधिको तुलनामा १२४ आधार बिन्दुले कम हो । साथै, बैंकले आफ्नो कुल निष्क्रिय कर्जामा १५३ आधार बिन्दुले सफलतापूर्वक कमी गर्दै २०८२ चैत्रको अन्त्यमा २.५३% मा ल्याएकोे छ, जुन २०८१ चैत्रको अन्त्यमा ४.०६% रहेको थियो ।
यस अवधिमा बैंकको प्रति शेयर आम्दानी १७.१९ रुपैयाँ रहेको छ भने प्रति शेयर नेटवर्थ १८९.५७ रुपैयाँ रहेको छ।
