नेपाल एसबिआई बैंक लिमिटेडले आर्थिक वर्ष २०८२/८३ को दोस्रो त्रैमासिक वित्तीय विवरण प्रकाशित गरेको छ। जस अनुसार बैंकले रु. १.०३ अर्ब खुद नाफा आर्जन गरेकोे छ जुन गत वर्षको सोही अवधिको तुलनामा १४.५६ प्रतिशतको वृद्धि हो ।
बैंकले आफ्नो कुल निष्क्रिय कर्जामा ९१ आधार बिन्दुले सफलतापूर्वक कमी गर्दै २०८२ पौषको अन्त्यमा २.६४% मा ल्याएकोे छ, जुन गत वर्षको सोही अवधिमा ३.५५% रहेको थियो । त्यसैगरि, बैंकले आफ्नो गैर–ब्याज आम्दानी, २०८१ पौषको अन्त्यको तुलनामा ४०.२६% ले उल्लेख्य वृद्धि गर्दै रु.७५.६९ करोड बाट २०८२ पौषको अन्त्यमा रु. १०६.१६ करोड पुर्याएको छ ।
बैंकको पूँजी पर्याप्तता अनुपात, २०८१ पौषको अन्त्यमा १२.८७% बाट वृद्धि गरि २०८२ पौषको अन्त्यमा १४.१२% पुर्याएको छ, जुन १२५ आधार बिन्दुको वृद्धि हो । बैंकले सोही अवधिमा आफ्नो कोष लागत ५.५८% बाट घटाएर ४.२३% मा ल्याउन सफल भएको छ, जुन गत वर्षको सोही अवधिको तुलनामा १३५ आधार बिन्दुले कम हो ।
