रिलायन्स स्पिनिङ मिल्सले गत आर्थिक वर्ष २०८१/८२ को चौथो त्रैमासको वित्तीय विवरण प्रकाशन गरेको छ। प्रकाशित विवरण अनुसार आर्थिक वर्ष २०८१/८२ मा कम्पनीले ४७ करोड ६३ लाख ७८ हजार रुपैयाँ खुद नाफा कमाएको छ।
अघिल्लो आर्थिक वर्षको सोहि अवधिको तुलनामा कम्पनीको खुद नाफा ८४५.५० प्रतिशतले बढेको हो । अघिल्लो आर्थिक वर्षको यसै अवधिमा कम्पनीको खुद नाफा ५ करोड ३ लाख रुपैयाँ मात्र थियो।
यस अवधिमा कम्पनीको संचालन आम्दानी ११.२१ प्रतिशतले बढेर १० अर्ब २३ करोड पुगेको छ । कम्पनीको संचालन मुनाफा ७९.९५ प्रतिशतले बढेर १ अर्ब ३ करोड रुपैयाँ पुगेको छ । यस अवधिमा कम्पनीको ब्याज खर्च ४७ करोड २६ लाखबाट घटेर ४३ करोड ५८ लाख कायम भएको छ।
कम्पनीको चुक्ता पुंजी १ अर्ब ७० करोड रहेको छ भने अन्य इक्विटीमा ५ अर्ब ८२ करोड रहेको छ। समीक्षा अवधिमा कम्पनीको प्रति शेयर आम्दानी २.९५ रुपैयाँबाट बढेर २७.९० रुपैयाँ पुगेको छ।
