अपि पावर लिमिटेडले गत आर्थिक वर्ष २०८१/८२ को चौथो त्रैमासको वित्तीय विवरण प्रकाशन गरेको छ। प्रकाशित विवरण अनुसार आर्थिक वर्ष २०८१/८२ मा कम्पनीको विद्युत बिक्रीको आम्दानी ३२.२२ प्रतिशतले बढेर १ अर्ब ६५ करोड १२ लाख रुपैयाँ पुगेको छ।
यस अवधिमा कम्पनीको संचालन मुनाफा १.९३ प्रतिशतले घटेर १ अर्ब ४ करोड कायम भएको छ । कम्पनीको खुद नाफा ४.९९ प्रतिशतले घटेर ४२ करोड ७६ लाख कायम भएको छ।
कम्पनीको चुक्ता पुंजी ६ अर्ब ७ करोड ५९ लाख रुपैयाँ रहेको छ । समीक्षा अवधिमा कम्पनीको प्रति शेयर आम्दानी ७.०४ रुपियाँ रहेको छ भने प्रति शेयर नेटवर्थ १११.०७ रुपैयाँ रहेको छ ।
हाल कम्पनीले निम्न परियोजनाहरू व्यावसायिक रूपमा सञ्चालन गरि नियमित विद्युत उत्पादन गरिरहेको छ ।
८.५ मेगावाटको नौगढ गाड सानो जलविद्युत परियोजना
८.०० मेगावाटको माथिल्लो नौगढ गाड जलविद्युत परियोजना
४.०० मेगावाटको चन्द्रनिगाहपुर सौर्य परियोजना
१.०० मेगावाटको ढल्केबर सौर्य परियोजना
१.०० मेगावाटको सिमरा सौर्य परियोजना
४०.०० मेगावाटको माथिल्लो चमेलिया जलविद्युत परियोजना
