संचालनमा रहेका २० वटै वाणिज्य बैंकले गत आर्थिक वर्ष २०८१/८२ चौथो त्रैमासको वित्तीय विवरण प्रकाशन गरेका छन् । प्रकशित वित्तीय विवरण अनुसार २० मध्ये १६ वटा बैंक लाभांश दिन सक्ने अवस्थामा देखिएका छन् । अन्य ४ वटा बैंकको भने वितरणयोग्य मुनाफा ऋणात्मक रहेको छ।
वितरणयोग्य मुनाफा ऋणात्मक हुने बैंकमा नेपाल बैंक, हिमालयन बैंक, एनआईसी एशिया बैंक र कुमारी बैंक रहेका छन् । अन्य १६ बैंक भने लाभांश दिन सक्ने अवस्थामा देखिएका छन् । यद्यपि नेपाल इन्भेष्टमेन्ट मेगा बैंकको लाभांश क्षमता १.४४ प्रतिशत मात्र छ।
यस अवधिमा एभरेष्ट बैंकको लाभांश क्षमता सबै भन्दा धेरै ३८.२७ प्रतिशत रहेको छ भने सानिमा बैंकको लाभांश क्षमता २०.४७ प्रतिशत रहेको छ। यद्यपि लाभांशको विषय भने कम्पनीको संचालक समितिले निर्णय गर्ने र त्यसमा पनि लाभांशको दर विभिन्न नियमकीय व्यवस्था र निर्दशनमा भर पर्ने भएकोले अहिले नै कति लाभांश प्रदान गर्छ भन्न सकिन्न।
हेर्नुस् कुन बैंकको लाभांश क्षमता कति ?
