सिनर्जी पावर डेभलपमेन्ट लिमिटेडले गत आर्थिक वर्ष २०८१/८२ को चौथो त्रैमासको वित्तीय विवरण प्रकाशन गरेको छ। प्रकाशित विवरण अनुसार आर्थिक वर्ष २०८१/८२ मा कम्पनीले ६ करोड ५ लाख ९१ हजार रुपैयाँ खुद नाफा कमाएको छ।
अघिल्लो आर्थिक वर्षको सोहि अवधिको तुलनामा कम्पनीको खुद नाफा १८८.१७ प्रतिशतले बढेको हो । अघिल्लो आर्थिक वर्षको यसै अवधिमा कम्पनीको खुद नाफा २ करोड १० लाख रुपैयाँ मात्र थियो।
यस अवधिमा कम्पनीको विद्युत बिक्रीको आम्दानी १९.२३ प्रतिशतले बढेर १८ करोड ९७ लाख पुगेको छ। कम्पनीले ३ लाखको अन्य आम्दानी पनि गरेको छ। कम्पनीको ब्याज खर्च ५०.९१ प्रतिशतले घटेर २ करोड ३० लाख मात्र कायम भएको छ । कम्पनीको प्रशासनिक र अन्य खर्च १३.८९ प्रतिशतले घटेर ११ करोड ४९ लाख मात्र रहेको छ । विद्युत बिक्रीको आम्दानी बढेको, ब्याज खर्च घटेको, र प्रशासनिक तथा अन्य खर्च घटेको कारण कम्पनीको खुद नाफा उलेख्य बढेको देखिन्छ ।
कम्पनीको चुक्ता पुंजी १ अर्ब २० करोड ९८ लाख रुपैयाँ रहेको छ भने रिजर्भमा १५ करोड ९६ लाख रहेको छ । समीक्षा अवधिमा कम्पनीको प्रति शेयर आम्दानी ५.०१ रुपियाँ रहेको छ भने प्रति शेयर नेटवर्थ ११५.३९ रुपैयाँ रहेको छ ।
