नेपाल पुनर्बीमा कम्पनीले चालु आर्थिक वर्ष २०८१/८२ को पहिलो त्रैमासको अपरिस्कृत वित्तीय विवरण प्रकाशन गरेको छ। कम्पनीले २०८१ असोज मसान्तसम्मको वित्तीय विवरण प्रकाशन गरेको हो ।
प्रकाशित विवरण अनुसार कम्पनीले पहिलो त्रैमासको अवधिमा ६ करोड ३२ लाख ९६ हजार खुद नाफा कमाएको छ। अघिल्लो आर्थिक वर्षको पहिलो त्रैमासको अवधिमा कम्पनी ४७ करोड ५६ लाख खुद घाटामा थियो।
चालु आर्थिक वर्षको पहिलो त्रैमासमा कम्पनीको खुद प्रिमियम संकलन १ अर्ब २८ करोडबाट बढेर १ अर्ब ७७ करोड पुगेको छ । कम्पनीको कुल आम्दानी १ अर्ब ७३ करोडबाट बढेर २ अर्ब ४० करोड पुगेको छ। यस अवधिमा कम्पनीले १ अर्ब ३६ करोड बराबरको बीमा दाबी भुक्तानी गरेको छ। कम्पनीको कुल खर्च भने २ अर्ब २१ करोडबाट बढेर २ अर्ब ३१ करोड पुगेको छ।
यस अवधिमा कम्पनीको चुक्ता पुँजी १३ अर्ब ४२ करोड रहेको छ भने स्पेसल रिजर्भमा ४ अर्ब ४३ करोड रहेको छ । यस अवधिमा कम्पनीको प्रति शेयर आम्दानी ०.४७ रुपैयाँ पुगेको छ भने प्रति शेयर नेटवर्थ १४५.५४ रुपैयाँ पुगेको छ।
