नेपाल धितोपत्र बोर्डले ३ वटा खुलामुखी सामुहिक लगानी कोष योजनालाई थप इकाई निष्काशनको लागि अनुमति प्रदान गरेको छ। बोर्डले सिद्धार्थ सिस्टमेटिक इन्भेष्टमेन्ट प्लान, एनआईबिएल सहभागिता फण्ड र एनएमबि सरल बचत फण्ड ई लाई थप इकाई निष्काशनको अनुमति दिएको हो ।
बोर्डले सिद्धार्थ सिस्टमेटिक इन्भेष्टमेन्ट प्लानलाई ३ करोड इकाई, एनआईबिएल सहभागिता फण्डलाई ४० करोड इकाई र एनएमबि सरल बचत फण्ड ई लाई ५७ करोड इकाईको निष्काशन अनुमति दिएको हो । यस संगै एनआईबिएल सहभागिता फण्ड र एनएमबि सरल बचत फण्ड ई को आकार बढेर १० अर्ब पुगेको छ।
यस अघि यी फण्डले आकार बढाउनको लागि स्वीकृति नपाएकोले लगानीकर्ताले आफ्नो डिम्याट खातामा इकाई पाउँन सकेका थिएनन् । अब भने यी फण्डको इकाई खरिद गरेका लगानीकर्ताले आफ्नो डिम्याट खातामा फण्डको इकाई पाउने बाटो खुलेको छ।
