आज बुधबार शेयर बजार परिसूचक नेप्से तेहोरो अंकले बढेको छ। आज नेप्से सूचक १०८.३५ अंकले बढेर २७५९.६७ को बिन्दुमा पुगेर रोकिएको छ।
आज कारोबारमा आएका ३३० कम्पनीका ३ करोड ८० लाख ४१ हजार २ सय ६७ कित्ता शेयर खरिद बिक्रीबाट १७ अर्ब ९५ करोड ९ लाख १८ हजार ६ सय २७ रुपैयाँ ८३ पैसाको कारोबार भएको छ। जस मध्ये हिमालयन रिइन्स्योरेन्सको सर्वाधिक १ अर्ब ५३ करोडको कारोबार भएको छ। त्यस्तै नेपाल फाइनान्सको ६५ करोड ५५ लाख तथा सानिमा माई हाइड्रोको ५५ करोड ७३ लाखको कारोबार भएको छ।
आज कारोबारमा आएका मध्ये बोटलर्स नेपाल बालाजु, गुडविल फाइनान्स, नेपाल पुनर्बीमा कम्पनी, हिमालयन रि इन्स्योरेन्स लगायत ९ कम्पनीको १० प्रतिशतले बढेको छ। आज कारोबारमा आएका मध्ये सर्वाधिक गुमाउनेको शिर्ष २ वटाको सूचीमा ऋणपत्र र सामुहिक लगानी कोषहरु मात्रै रहेका छन्।
आज कारोबारमा आएका सबै समूहगत सूचक बढेका छन् । जस मध्ये अन्य समूह ७.८९ प्रतिशत र फाइनान्स समूह ७.६३ प्रतिशत बढेको छ।
