तत्काल वस्तु विनिमय बजार अर्थात् कमोडिटी एक्सचेन्ज संचालनको माग गर्दै सर्वोच्च अदालतमा दायर भएको मुद्दाको आज आइतबारको लागि तोकिएको पेशी स्थगित भएको छ। आज २०८१ साउन १३ गतेको लागि यस मुद्दाको पेशी तोकिएको भए पनि आजको सुनुवाई स्थगित भएको हो।
अधिवक्ता रपिश पोखरेलले तत्काल कमोडिटी एक्सचेन्ज संचालनको माग गर्दै २०८० पुस २४ गते अधिवक्ता रपिश पोखरेलले सर्वोच्च अदालतमा रिट दायर गरेका थिए । २०८० पुस २९ गते सर्वोच्च अदालतका न्यायधीश डा. कुमार चुडाल एकल इजलाशले यस मुद्दामा कारण देखाउ आदेश जारी गरेको थियो। साथी अन्तरिम आदेश नहुने आदेश भएको थियो।
वस्तु विनिमय बजार सम्बन्धि ऐन २०७४ मा उल्लेख भए बमोजिम कमोडिटी एक्सचेन्ज संचालनको लागि आवेदन माग गरिएको तर ऐनमा तोकिएको अवधि व्यतित भईसक्दा समेत कमोडिटी एक्सचेन्ज संचालनको लागि अनुमति प्रदान नभएकोले तत्काल कमोडिटी एक्सचेन्ज संचालनको लागि आदेश दिनको लागि रिटमा माग गरिएको छ। अब यस मुद्दाको अर्को सुनुवाईको लागि २०८१ कार्तिक ११ गतेको पेशी तोकिएको छ।
धितोपत्र बोर्डले कमोडिटी एक्सचेन्ज लाईसेन्सको लागि आवेदन माग गरेपनि अहिले पनि कुनै कम्पनीलाई लाईसेन्स दिएको छैन।
