आज आइतबार मेरोशेयरमा पोर्टफोलियो नदेखाउने समस्या देखिएको छ। मेरोशेयरले बजारमा भएको उताचढावको आधारमा रियल टाइम मै लगानीकर्ताको कुल पोर्टफोलियो कतिले घटेको वा बढेको छ भन्ने देखाउने गर्थ्यो ।
तर आज भने मेरोशेयरले पोर्टफोलियोमा भएको परिवर्तन देखाएको छैन। पोर्टफोलियोको परिवर्तन देखाउने ठाउँमा जिरो नै देखाईरहेको छ।
सिडीएससीका अनुसार आज बिहान नेप्सेको वेबसाइटमा केहि समस्या देखिएको थियो। त्यसको कारण डाटा तान्ने क्रममा प्राविधिक समस्या देखिएकोले पोर्टफोलियो नदेखाएको जनाएको छ।
यो समस्याको समाधान हुने क्रम मै रहेको र केही समय मै यो समस्या समाधान भएर पोर्टफोलियोको घटबढ विवरण देखिने सिडीएसले उल्लेख गरेको छ।
