यस साता शेयर बजार परिसूचक नेप्से ८५.४७ अंकले घटेको छ। गत साताको अन्त्यमा नेप्से सूचक २६८२.२९ को बिन्दुमा रहेकोमा यस साता सूचक घटेर २५९६.८२ को बिन्दुमा बन्द भएको छ ।
यस साता कुल ४ दिन मात्र शेयर कारोबार भएकोमा मंगलबार बाहेक सबै दिन सूचक घटेको छ। मंगलबार पनि सूचक २.९५ अंकले मात्र बढेको छ।
यस साता कारोबारमा आएका सबै समूहगत घटेका छन्। जस मध्ये ट्रेडिङ समूह सर्वाधिक ५.१७ प्रतिशत घटेको छ भने फाइनान्स समूह ४.७९ प्रतिशत घटेको छ। त्यस्तै हाइड्रो समूह ४.०७ प्रतिशत, विकास बैंक समूह ४.०६ प्रतिशत तथा इन्भेष्टमेन्ट समूह ४.०१ प्रतिशत घटेको छ।
हेर्नुस् यो साता कुन सूचक कति घट्यो ?
