सिटिजन्स क्यापिटलले निष्काशन गरेको नयाँ सामुहिक लगानी कोष योजनाको इकाईमा आवेदन दिने म्याद थप भएको छ। म्याद थप भएसंगै अब यस निष्काशनमा पुस १८ गतेसम्म आवेदन दिन सकिने भएको छ। यद्यपि सो अगावै पर्याप्त आवेदन परेमा सो अगावै नै सार्वजनिक सूचना जारी गरेर बिक्री बन्द गर्ने क्यापिटलले जनाएको छ ।
क्यापिटलले पुस ४ गतेदेखि सिटिजन्स म्युचुअल फण्ड अन्तर्गत संचालन हुने सिटिजन्स सन्तुलित योजनाको इकाई निष्काशन गरेको हो। यो १० वर्ष अवधिको बन्दमुखी योजना हो।
यस योजनाको आकार १ अर्ब रुपैयाँको रहेको छ । जसमा प्रति इकाई १० रुपैयाँको दरले १० करोड इकाई निष्काशन हुने छ । जस मध्ये १ करोड ५० लाख इकाई कोष प्रबर्दक सिटिजन्स बैंकलाई छुट्याईएको छ । बाँकि रहेको बाँकि रहेको ८ करोड ५० लाख इकाईको लागि सर्वसाधारणले आवेदन दिन सक्ने छन् । यसमा आवेदन दिँदा न्युनतम १०० इकाई र अधिकतम १ करोड इकाईको लागि आवेदन दिन सकिने छ।
नेपाल धितोपत्र बोर्डले मङ्सिर ९ गते कम्पनीलाई फण्ड निष्काशनको अनुमति दिएको हो।
