यसअघि स्थगित भएको सागर डिष्टिलरी लिमिटेडको लिमिटेडको आईपीओ आज सोमबारबाट निष्काशन हुँदैछ । कम्पनीले सर्वसाधारणलाई ११ लाख ९० हजार ६४० कित्ता शेयर निष्काशन गर्न लागेको हो ।
यसअघि कम्पनीले भदौ २५ गतेदेखि सर्वसाधारणका लागि आइपीओ बिक्री खुला गर्ने भनेको थियो । तर, जनेजी आन्दोलनका कारण आइपीओ निष्काशन प्रक्रिया स्थगन गरिएको थियो ।
कम्पनीले धितोपत्र बोर्डबाट जारी पूँजी ७२ करोड ६० लाख रुपैयाँको २० प्रतिशतले हुन आउने १४ करोड ५२ लाख रुपैयाँ बराबरको १४ लाख ५२ हजार कित्ता आईपीओ निष्काशनको अनुमति पाएको थियो ।
सोमध्ये १० प्रतिशत अर्थात् १ लाख ४५ हजार २०० कित्ता सेयर वैदेशिक रोजगारीमा रहेका नेपालीका लागि निष्काशन गरी बाँडफाँड गरिसकेको छ ।
कम्पनीले ५ प्रतिशत अर्थात ७२ हजार ६०० कित्ता सेयर सामूहिक लगानी कोषहरुमा बाँडफाँड गरिसकेको छ । ४३ हजार ५६० कित्ता सेयर कर्मचारीका लागि सुरक्षित गरेको छ ।
कम्पनीको आईपीओमा बिहिबारसम्म आवेदन दिन सकिनेछ ।
